Komaandar Atleet Daraartuu Tulluun Nishaanii warqee kabajaa biyyaaleessa badhaaffamte

Finfinnee, Bitootessa 19, 2013 (FBC) – Komaandar Atleet Daraartuu Tulluun oolmaa biyyaaf oolteen Nishaanii warqee kabajaa biyyaaleessa badhaaffamteerti.

Nishaaniin Warqee Giraama 350 madaalu gama preezdaantii Mootummaan naannoo Oromiyaa obbo Shimallis Abdiisan kennameefira.

Dabalataan konkolaataan Leeksas V 8 moodeeliin 2021 sadarkaa biyyaatti laatameefii jira.

Bulchiinsi Mootummaa naannoo Oromiyaa birrii miiliyoona 5 Komaandar Atleet Daraartuu Tulluu badhaaseera.

Addabaabayiin guddaan magaalaa Adaamaatti argamuu fi magaalaa Finfinneetti Addabaabayiin Ayaat maqaa Komaandar Atleet Daraartuu Tulluun moggaafameera.

Dabalataan Akkaadaamiin Sulultaa birrii biiliyoona 1 ijaarrames maqaa isheen moggaafameera.

Komaandar Atleet Daraartuu Tulluunis qaamolee beekkamtii fi badhaasa kana qopheessan galateeffateerti.

Iddoosaa Abdiitu gabaase.

Fuula Feesbuukii keenyan dabalata odeeffannoo waqtaawaa argachuuf;

Teelegraama https://t.me/afanoromofana

Yuutyuubii https://www.youtube.com/c/fanabroadcastingcorporate/

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Yeroo maraa nu waliin waan taataniif isin galateeffanna.