Waltajjiin marii Baankii Dhiigaa Biyyaalessaa 8ffaan gaggeeffamaa jira
Finfinnee, Onkololeessa 5, 2013 (FBC) – Waltajjiin marii Baankii Dhiigaa biyyaalessaa 8ffaan guyyoota 3f turu magaalaa Goondaritti gaggeeffamaa jira.
Baankichi bara 2013 dhiiga Yuuniitii kuma dhibba 3 fi kuma 43 walitti qabuuf hojjechaa jiraachuu itti aanaan daayreektar olaanaa Baankii Dhiigaa Biyyaalessaa obbo Haamtaamuu Taayyee ibsaniiru.
Bara darbe dameewwan 43 irratti dhiigni yuutiin kumni dhibbi 3 fi kumni 10 walitti qabuuf karoorfamee yuutiin kumni dhibbi 2 fi kumni 88 fi 966 walitti qabamuu ibsaniiru.
Weerarri vaayrasii koroonaa hojii arjoomina dhiigarratti dhiibbaa geessisus, hirmaannaa olaanaa tola ooltoonni taasisaniin % 93 raawwachuun danda’ameera jedhan obbo Haamtaamuun.
Qaamoleen dhiiga arjooman haala odeeffannoo ga’aa baankichaa argachuu danda’an irratti sirni odeeffaannoo haaraan diriirfamuu beeksisaniiru.
Eeliyaas Annimuutiitu gabaase.
Odeeffannoo waqtaawaa argachuuf Teelegraama keenya https://t.me/afanoromofana subiskiraayib godhaa.