Bara kana ijaarsa hidhichaatif Birrii miiliyoonni 605 walitti qabameera
Finfinnee, Caamsaa 24, 2012 (FBC) – Bara kana ijaarsa Hidha Haaromsaatif Birrii miiliyoonni 605 walitti qabamuun ibsame.
Waajjirri Qindeessaa Hirmaannaa Ummataa Ijaarsa Hidha Haaromsaa Biyyoolessaa akka beeksisetti bara 2012 kana keessa ijaarsichaaf Birrii miiliyoonni 605 walitti qabameera.
Galichi kan walitti qabame karaa ergaa gabaabaa 8100 fi torbee gurgurtaa boonditiin ta’uu itti gaafatamaan waajjirichaa obbo Hayluu Abrahaam ibsaniiru.
Ijaarsa hidhichaatif galii Birrii biiliyoona 1.2 walitti qabuun karoorfamee, amma ammaattis Birrii miiliyoonni 605 sassaabbameera jedhan.
Yerichatti sababii weerara vaayrasii koroonaatin walga’ii ummataa gaggeessun waan hin danda’aminiif, galii yaadame sassaabun hin danda’amne jedhan.
Amma ammaattis ijaarsa Hidha Haaromsaatif Birrii biiliyoonni 13.54 walitti qabameera.
Raawwin ijaarsa hidhichaa %73.7 qaqqabuun ni beekama.
Odeeffannoo waqtaawaa argachuuf Teelegraama keenya https://t.me/afanoromofana subiskiraayib godhaa.