Keeniyaatti balaan xiyyaaraa mudate

Finfinnee, Amajjii 3, 2017 (FMC)- Keeniyaa Magaalaa Kiwaachochaatti balaa xiyyaarri kufuu mudateen lubbuun namoota sadii darbuu gabaafame.

Kannee ijaan argan akka ibsanitti, xiyyaarri kufe kun namoota lafaa turan rukutuu, achiis ibiddi qabateera.

Namoonni lama caccabaa xiyyaarichaan rukutamuun battaluma san lubbuun isaanii yoo darbu, nama tokkorra ammoo balaa ibiddaan gubachuu cimaa mudateen lubbuun darbuu aanga’oota naannawichaa wabeeffachuun Africa News gabaaseera.

Gama biraatiin balaliisaa fi barattoota lama xiyyaaricha keessa turan balichii mudachuun dura ba’uu fi yeroo ammaa hordoffii wal’aansaa taasisaa jiraachuun eerameera.

Tibbaana biyyoota Addunyaa garaagaraatti balaa xiyyaaraa mudachaa jiru damee aviyeeshiniif qormaata olaanaa ta’aa jiraachuun ibsameera.

#Oromia #Ethiopia