Haala nageenyaa to’achuuf dirooniiwwan akka bobbaafaman eerame

Finfinnee, Amajjii 2, 2017 (FMC)- Humni Waloo Nageenyaa, haala nageenyaa Magaalaa Finfinnee fi Naannawaa ishee gamaaggamuun kallattii fuulduree kaa’uun ibsameera.

Waltajjicharratti Komishinarri Jeneraalaa Komishinii Poolisii Federaalaa Dammallaash Gabremikaa’eel, hojiileen ittisa yakkaa sadarkaa olaanaan hojjetamaa jiraachuu himan.

Yaa’iinsa tiraafikaa fi haala nageenya waliigalaa akkasumaas sagantaalee guguddaa to’achuuf dirooniiwwan kan bobbaafaman ta’uu dubbataniiru.

Nageenyaa fi tasgabbii Magaalaa Finfinnee waaraa taasisuuf humni waloo qindoominaan hojjechuun bu’aalee olaanoon galmaa’uu eeraniiru.

Yeroo ammaas magaalattiitti haalli nageenyaa mijataan kan mul’atu ta’uu kaasanii fuulduratti Ayyaana Cuuphaa fi Yaa’iin Dureewwan Gamtaa Afrikaa nagaan akka xumuramuuf qophiin barbaachisaan taasifamuu dubbataniiru.

#Oromia #Ethiopia