Ummanni deeggarsa Hidhachaaf taasisu cimsee akka itti fufu gaafatame
Finfinnee, Amajjii 1, 2017 (FMC) –Ummanni ijaarsi Hidha Guddicha Haaromsa Itiyoophiyaaf deeggarsa taasisaa jiru cimsee akka itti fufu gaafatame.
Baatiiwwan shanan darbanitti galiin Birrii miiliyoona 300 fi miiliyoonni 58 Hidha Guddicha Haaromsaaf Itiyoophiyaaf walitti qabamuu Waajjirri Qindeessaa Hirmaannaa Ummataa Hidhichaa beeksise.
Hoji Raawwachiisaaa Itti Aanaa Damee Hirmaannaa Ummataa fi Pirojektoota Misoomaa Waajjirichaa Obbo Warquu Guwaangul Faanaa Miidiyaa Koorporeeshiniif akka ibsanitti, galiin Birrii miiliyoona 300 fi miiliyoona 58 ol baatiiwwan shanan darban filmaatawwan garaagaraan sosochii taasifameen walitti qabameera.
Ummanni ijaarsi Hidha Guddicha Haaromsa Itiyoophiyaa akka milkaa’uuf deeggarsa gama hundaan taasisaa jiru cimsee akka itti fufu waamicha dhiyeessaniiru.
Ashannaafii Shibbiruutu gabaase.
#Oromia #Ethiopia