Seeronni ba’an fayyadamummaa ummataa akka mirkaneessan eeggannoon taasifamuu qaba-Obbo Taaggasaa Caafoo

Finfinnee, Mudde 14, 2017 (FMC)- Seeronni ba’an fayyadamummaa ummataa akka mirkaneessan eeggannoon taasifamuu qaba jedhan Afyaa’iin Mana Maree Bakka Bu’oota Ummataa Obbo Taaggasaa Caafoon.

Koreen Qindeessituu Mana Maree Bakka Bu’oota Ummataa raawwii kurmaana jalqabaa qorateera.

Waltajjicharratti Obbo Taaggasaan akka jedhanitti seeronni mana marichaan ba’an fayyadamummaa ummataa akka mirkaneessaniif eeggannoon taasifamuu qaba.

Seerota duraan ba’an sirreeffamuun barbaachisnaan irra deebiin ilaalamuu akka qaban hubachiisaniiru.

Afyaa’ii Itti Aantuun Mana Marichaa Aadde Loomii Badhoon gama isaaniin bara baajatichaatti seera baasuun, hordoffii fi to’annoon, bakka bu’ummaa ummataa fi dippiloomaasii paarlaamaan hojiilee jajjabeessoon raawwatamuu kaasaniiru.

Kurmaana jalaqaabaatti seeronni shan akka raggasifamanii fi wixineewwan seeraa 23 ammoo adeemsarra jiraachuun ibsamuu ragaan mana marichaarraa argame ni mul’isa.

#Oromia #Ethiopia