Dooktar Tasfaayee Baljigeen Shaggaritti hojiilee misoomaa daawwatan
Finfinnee,Mudde 9, 2017 (FMC) –Mana Maree Bakka Bu’oota Uummataatti Ministirri Waamamaa Mootummaa Dooktar Tasfaayee Baljigeen Magaalaa Shaggar Kutaa magaalaa Koyyee Facceetti inisheetiiviiwwan misooma garaagaraa daawwataniiru.
Daawwannaa isaaniin, inisheetiivii furdisa loonii, horsiisa loon aannanii fi lukkuu daawwaachuun ibsameera.
Daawwannicharratti Dooktar Tasfaayee Baljigee dabalatee Kantibaan Bulchiinsa Magaalaa Shaggar Dooktar Tashoomaa Addunyaa fi Itti Gaafatamaan Waajjira Paartii Badhaadhinaa Damee Magaalaa Shaggar Obbo Alamaayyoo Tulluu fi qondaaltoonni biroon argamuu ragaan Kominikeeshinii Magaalichaarra argame ni mul’isa.