Itiyoophiyaan Waraqaa Ragaa seera qabeessummaa galmee Malkaa Qunxurree fudhatte
Finfinnee, Sadaasa 23, 2017 (FBC)- Itiyoophiyaan Waraqaa Ragaa seera qabeessummaa galme Hambaa seenaa Malkaa Qunxurree Dhaabbata Barnoota, Saayinsii fi Aadaa Mootummoota Gamtoomanii (UNESCO) irraa fudhattetti.
Walga’ii Koree Hambaa Addunyaa Dhabbatichaa 46ffaa Hindii Niwudeelhiitti gaggeeffamerratti Itiyoophiyaan hambaa aadaan kan galmeessiste Malkaa Qunxurreef waraqaa ragaa seera qabeessummaa Daayrektara Giddugala Hambaa Addunyaa Dhaabbatichaa Laahaaree Elowudo Asomoo harkaa fudhachuu ragaan Paarisitti Embaasii Itiyoophiyaarraa argame ni mul’isa.
Itiyoophiyaan Adoolessa 24, 2016 Malakaa Qunxurree hambaa aadaa ta’ee ‘UNESCO’tti galmeessisuun ni yaadatama.
#Oromia #Ethiopia