Birgaader Jeneraal Seeyfee Ingii Guraaroo du’aan boqotan

Finfinnee, Sadaasa 21, 2017 (FBC)-Waggoota 35 biyya isaanii tajaajilaa kan turan Birgaader Jeneraal Seeyfee Ingii Guraaroo Addunyaa kanarraa du’aan boqotan.

Cunqursaa ummatarra ga’aa ture mormuun bara 1982 addunyaa loltummaatti kan makaman Birgaader Jeneraal Seeyfee Ingii sadarkaa loltummaa fi hoggansaan biyya isaanii amanamummaa, qajeelummaa fi gootummaan tajaajilaniiru.

Birgaader Jeneraal Seeyfeen dhibee irra bubbuleen biyya keessaa fi alatti wal’aanamaa turanii, Sadaasa 19, 2017 umrii waggaa 55’tti addunyaa kanarraa du’aan boqotaniiru.

Sirni awwaalcha isaaniis bakka qondaaltonni Raayyaa Ittisa Biyyaa, firoottanii fi hiriyoottan isaanii argamanitti har’a Finfinneetti raawwateera.

Birgaader Jeneraal Seeyfeen abbaa maatii fi dhala durba tokkoo turan.

Birgaader Jeneraal Seefeen Ingiin, Abbaa Isaanii Ingii Guraaroo fi Haadhaa isaanii Tashitee Faanee irraa Naannoo Oromiyaa Godina Arsii Aanaa Muunessaa Magaalaa Jaawwii Asaargeetti Caamsaa 1, 1962 dhalatan.

#Oromia #Ethiopia