Atileet Yewarqiwuhaa Geetaachoo Raayyaa Ittisa Biyyaaf meedaaliyaa Warqee argamsiiste

Finfinnee, Sadaasa 16, 2017 (FBC)-Ajaajaa Shantamaa Atileet Yewarqiwuhaa Geetaachoon Raayyaa Ittisa Biyyaaf Meedaaliyaa Warqee argamsiistetti.

Naayijeeriyaa Magaalaa Abujaatti gaggeeffanaa kan jiru Feestivaala Ispoortii Humnoota Waraanaa Afrikaa Guutuu 2ffarratti, Itiyoophiyaa bakka bu’uun kan hirmaate Gareen Atileetiksii Kilaba Machaal hirmaachaa jira.

Haaluma kanaan figicha xumuraa meetira kuma 5 dubartootaan Ajaajaan Shantaamaa Atileet Yewarqiwuhaa Geetaachoon meedaaliyaa Warqee akkasumas Ajajaa Shantamaa Atileet Ayaalfim Daanyaachoon Meedaaliyaa Meetii argamsiisaniiru.

Gama biraatiin utaalcha dheeraa dubartootaan Itti Aantuu Ajaajaa Kudhanii Batsaloot Alamaayyoo fi darbannaa diskiin ajaaja kudhanii Zurgaa Usmaan meedaaliyaa Meetii argamsiisaniiru.

Dorgommii haga ammaatti gaggeeffameen kilabni Ispoortii Machaal meedaaliyaawwa Warqee 1, Meetii 4 argamsiisuu ragaan Raayyaa Ittisa Biyyaarraa argame ni mul’isa.

#Oromia #Ethiopia