Balaa ibiddaa markaatoon daldaltoota miidhamaniif deeggarsi Birrii miliyoona 20 taasifame
Finfinnee, Sadaasa 13, 2017 (FBC)- Balaa ibiddaa Markaatootti mudateen daldaltoota qabeenyi jalaa manca’e deebisanii dandamachiisuuf Bulchiinsi Magaalaa Finfinnee deeggarsa Birrii miiliyoona 20 taasise.
Kantiibaan Bulchiinsaa Magaalichaa Aadde Adaanech Abeebeen wayita deeggarsicha taasisanitti, sadarkaa isaa eeggatee hanga ijaaramutti daldaltoonni suuqiin isaanii jalaa gubate bakki hojii daldalaa isaanii itti gaggeeffatan yeroo gabaabaa keessatti ijaaramee akka xumuramu, deeggarsi Birrii miiliyoona 20 taasifametti dabalataan deeggarsaa meeshaalee fi teekinikaa akka taasisan ibsaniiru.
Walitti tuuta’uu naannawichatti mudate waarinaan furuuf, naannawaa daldalaa mijataa uumuu fi Waldaa Aksiyoonaan gurmaa’uun giddugala gabaa sadarkaa isaa eeggate ijaaruun akka danda’amutti bulchiinsi magaalichaa deeggarsa barbaachisaa hunda akka taasisuu mirkaneessaniiru.
Bakka bu’oonni daldaltootaa, deeggarsaa fi hordoffii bulchiinsi magaalichaa taasiseef galateeffatanii, deeggarsi taasifame saffisaan akka galaniif kan tumsuun ta’uu ibsuu ragaan Waajjira Kantiibaarraa argame ni mul’isa.
#Oromia #Ethiopia