Somaaliilaand boru filannoo Pireezidaantummaa ni gaggeessiti

Finfinnee, Sadaasa 3, 2017 (FBC) –Somaaliilaand boru yeroo 4ffaaf filannoo Pireezidaantummaa ni gaggeessiti jedhame.

Taajjabdoonni filannoo idil addunnyaa adeemsa filannichaa taajjabuuf biyyatiitti argamuu ibsameera.

Filattoonnii miiliyoonni tokkoo fi kumni 200 fi kumni 27 kan galmaa’aan yoo ta’u, raawwachiiftoonni filannoo kumni 13 fi buufataaleen filannoo kumni 2 fi 648 qophaa’uu Komishiniin filannoo biyyaalessaa Somaaliilaandi beeksiseera.

Filannoo naannolee 6 keessatti gaggeeffamu kanaan ummanni Pireezidaantii fi Paartiif sagalee ni kennu jedhame.

Filannoo Pireezidaantummaa guyyaa boruu gaggeeffamu kanaan paartiileen Kuulimiiyyee, Waadaanii fi UCID jedhaman ni morkatan jedhame.

Buufataalee filannoo Kutaalee Baha biyyattii muraasatti rakkoo jiru hordofee filannoon kan hin gaggeeffamne ta’uu komishinichi ibseera.

Taarikuu Laggaseetu gabaase.

#Oromia #Ethiopia