Dooniin Yuuriyaa kuntaala kuma 472 fi 500 feete Jibuutii qaqqabde-Koorporeeshinicha

Finfinnee, Onkololeessa 29, 2017 (FBC)-Dooniin Yuuriyaa kuntaala kuma 472 fi 500 feete Jibuutii qaqqabuu Koorporeeshiniin Hojiiwwan Qonnaa Itiyoophiyaa beeksise.

Koorporeeshinichi akka beeksisetti, bara oomishaa 2017/18’f xaa’oo kuntaala miiliyoona 23 bitamu keessaa dooniin jalqabaa xaa’oo kuntaala kuma 472 fi 500 feete buufata Doonii Jibuutii qaqqabdeetti.

Guyyoota itti aanaanis dooniiwwan xaa’oo fe’an buufaticha akka qaqqabanii fi hojii gara biyya keessaatti geejjibsiisu akka eegalu ibsuu ragaan koorporeeshinicharraa argame ni mul’isa.

Xaa’oo bara oomishaa 2017/18’f barbaachisu Yuuriyaa fi Daappii kuntaala miiliyoona 23 bituuf mootummaan baajataa Doolaara biiliyoona 1.3 ramaduun ni yaadatama.

Qajeelfama bittaa xaa’oo biyyee fi rakkoolee bittaan walqabatan furuuf bara 2016 hojiirra ooluu eegaleen bara oomishaa darbe Birrii biiliyoona 21 baraaruun akka danda’ame eereera.

#Oromia #Ethiopia