Gaaffii misoomaa fi bulchiinsa gaarii ummataa deebisuuf xiyyeeffannoon ni hojjetama-Obbo Ordiin Badrii

Finfinnee, Onkololeessa 28, 2017 (FBC) –Gaaffii misoomaa fi bulchiinsa gaarii ummataa deebisuuf xiyyeeffannoon ni hojjetamaa jedhan Pireezidaantiin Naannoo Hararii Obbo Ordiin Badrii.

Manni Maree Bulchiinsaa Naannichaa gamaaggama raawwii kurmaana 1ffaa kan bara 2017 gaggeessuu eegaleera.

Gamaaggamicharratti Pireezidaantii Naannoo Hararii Obbo Ordiin Badrii fi Miseensoonni Mana Maree Bulchiinsaa biroon argamaniiru.

Obbo Ordiin kayyoon gamaaggamichaa karoora baatiwwan sadan darbanirratti ciminootaa fi hanqinoota adda baasuun kallattii fulduraa kaa’uuf ta’uu ibsuu ragaan Kominikeeshinii naannicharra argame ni mul’isa.