Itiyoophiyaan Yaa’ii Waliigalaa Inerpoolirratti hirmaachaa jirti

Finfinnee, Onkololeessa 26, 2017 (FBC)-Itiyoophiyaan yaa’ii waliigalaa 92ffaa Inerpool Ingiliz Magaalaa Gilaaskootti gaggeeffamaa jirurratti hirmaachaa jirti.

Yaa’icharratti Jilli Itiyoophiyaa Komishinara Jeneraalaa Komishinii Pooliisii Federaalaa Dammallaash Gabiramikaa’eliin durfamuu hirmaachaa jira.

Yaa’icharratti Itiyoophiyaa dabalatee itti gaafatamtoonni poolisii biyyoota miseensa dhabbatichaa, aanga’oonni olaanoo fi tumsitoonni idil addunyaa hirmaachaa jiraachuun ibsameera.

Yaa’ichi raawwii dhaabbatichaa waggaa darbee, hojiilee gaggeeffamaa jiranii fi kallattiiwwan fuuldureerratti mari’achuun murtoo ni dabarsaan kan eegamu ta’uun himameera.

Komishinar Dammallaash Itiyoophiyaan yaa’ii waliigalaa akka qopheessituuf carraan akka kennamuuf gaaffii dhiyeessuun ibsameera.

Jilli Itiyoophiyaa yaa’ichaan cinaatti biyyootaa fi dhaabbilee Idil Addunyaa garaagaraa waliin marii gamlamee akka taasisan eerameera.

#Oromia #Ethiopia