Maaraatoonni Chikaagoon Atileetonni Itiyoophiyaa 2ffaan xumuran
Finfinnee, Onkoloolessa 3, 2017 (FBC)-Ameerikaatti kan gaggeeffame figicha “Maaraatoonii Chikaagoo 2024” Atileetonni Itiyoophiyaa Koorniyaa lameeniin sadarkaa 2ffaan xumuraniiru.
Dorgommii figichichaa dhiirota gidduutti gaggeeffameen Atileetiin Keeniyaa Joon Keertii sa’aatii 2 fi daqiiqaa 2 fi sekoondii 42’n 1ffaan yoo xumuru, Atileetiin Itiyoophiyaa Mahaammad Iisaan ammoo sa’aatii 2 fi daqiiqaa 4 fi sekoondii 39’n sadarkaa 2ffaan xumuruu danda’eera.
Dubartootaan ammoo Atileetiin Keeniyaa Ruut Cheepiingiich sa’aatii 2 fi daqiiqaa 9 fi sekoondii 57’n rikardii haaraa galmeessuun injifatteetti.
Atileetiin Itiyoophiyaa Suutumee Kabbadaa ammoo sa’aatii 2 fi daqiiqaa 17 fi sekoondii 35’n 2ffaan xumuruu dandeesseetti.
#Oromia #Ethiopia