Dorgommiin xumuraa Fiigicha gufachiisaa meetira kuma 3 dhiirotaa har’a gaggeeffama

Finfinnee, Hagayya 1, 2016 (FBC)-Olompikii Paariis 33ffaan dorgommiin xumuraa fiigicha meetira kuma 3 dhiirotaa Itiyoophiyaan irratti hirmaattu har’a ni gaggeeffama.

Dorgommichi sa’aatii 4:40 irratti kan gaggeeffamu yoo ta’u, Atileet Lammeechaa Girmaa, Saamu’eel Fireewu fi Geetinnat Waalee ni hirmaatu.

Gama biraatiin, guyyaa sa’aatii 6:10 irratti dorgommii gulaallii fiigicha meetira kuma 5 dhiirotaa gaggeeffamuun Atileet Haagos Gabirehiiwot, Biiniyaam Mahaarii fi Addisuu Yihuunee ni hirmaatu.

Akkasumas kaleessaa gulaallii fiigichaa meetira kuma 1 fi 500’n gaggeeffameen ramaddii isheeraa kan dabarte Atileet Birqee Hayyaaloom gulaallii fiigichichaa har’aa sa’aatii 7:45 gaggeeffamurratti dorgomti.

Olompikichaan Itiyoophiyaan hanga ammaatti meedaaliyaawwan Meetii 2’n sadarkaa 52ffaatti kan argamtu yoo ta’u, Ameerikaa, Chaayinaa, Awustiraaliyaa fi Faransaay walduraa duubaan sadarkaa 1ffaa hanga 4ffaa qabataniiru.

#Oromia #Ethiopia