Atileetonni Itiyoophiyaa har’a gulaallii carraa 2ffaa ni fiigu

Finfinnee, Adoolessa 27, 2016 (FBC) – Atileet Abdiisaa Fayyisaa fi Haabtaam Alamuun har’a gulaallii carraa 2ffaa ni fiigu.

Fiigicha gulaallii meetira 800 kaleessa galgala gaggeeffameen osoo hin milkaa’iin kan hafte Atileet Haabtaam Alamuun har’a guyyaa sa’aatii 6:20 irraa eegalee gulaallii carraa 2ffaa (Repechage Round) ni fiigdi.

Fiigicha ramaddii 4 gaggeeffamu kanarratti Atileetoonni 31 ni hirmaatu.

Atileetonni ramaddii isaanirraa 1ffaa bahan marsaa itti aanuuf darbu.

Atileet Haabtaam Alamuun kaleessa sadarkaa 7ffaan xumuruun kan yaadatamuudha.

Fiigicha gulaallii carraa 2ffaa har’a halkan sa’aatii 2:15 irraa eegalee meetira kuma 1 fi 500 dhiirota gidduutti gaggeeffamuun Atileet Abdiisaa Fayyisaan ni fiiga.

Atileet Abdiisaan fiigicha gulaallii kaleessa gaggeeffameen sadarkaa 14ffaa bahuun fiigicha gulaallii walakkaa xumuraaf osoo hin darbin hafuun ni yaadatma.

Fiigicha ramaddii 2 gaggeeffamu kanarratti Atileetonni 27 ni hirmaatu.

Fiigicha kanaan Atileetonni 1ffaa hanga 3ffaa bahan fiigicha gulaallii walakkaa xumuraarratti hirmaatu jedhamuu TOI gabaaseera.

#Oromia #Ethiopia