Dhaabbileen tumsitootaa sagantaa isaanii karoora Ministeera Fayyaa waliin walsimsisuun hojiirra akka oolchan waamichi dhiyaate
Finfinnee, Caamsaa 3, 2016 (FBC) – Dhaabbileen tumsitootaa sagantaa isaanii karoora Ministeera Fayyaa waliin walsimsisuun hojiirra akka olchaan Ministirri Ministeera Fayyaa Dooktar Maqdas Dhaabaan gaafataniiru.
Bakka Butoonni dhaabbilee Tumsitoota Ministira Ministeera Fayyaa Dooktar Maqdas Dhaabaa fi Hoggantoota Olaanoo Ministeericha waliin ,waltajjii marii gaggeessaniiru.
Du’aatii hadhoolii hir’isuu, sirna fayyaa walhormaata dargaggoota , Inshuraansii fayyaa, Faayinaansii fayyaa, Kunuunsa fayyaa duraa cimsuu fi dhiyyeessii galteewwan fayyarratti xiyyeeffachuun mari’ataniiru.
Ministirri Ministeera Fayyaa Dooktar Maqdas Dhaabaan, tajaajiloota fayyaa fooyyessuuf xiyyeffannoon hojjechuun barbaachiisaa ta’uu ibsaniiru.
Dhaabbilee tumsitoota fi damee fayyaa dhuunfaa waliin walitti dhiyeenyaan hojjetamaa jiraachuu eeruun, dhaabbileen tumsitoota sagantaa isaanii karoora Ministeerichaa waliin walsimsiisuun hojiirra oolchuu akka qaban gaafataniiru..
Ministir Deetaan Ministeerichaa Dooktar Darajjee Dhugumaan gamaasaaniin, deeggarsa dhaabbiileen tumsitoota taasiisaniif galateffachuun, rakkoolee mudatan furuuf tumsa taasiisan akka itti fufan gaafachuu ragaan Ministeera Fayyaarraa argame ni mul’isa.
Odeeffannoowwan waqtaawaa dabalataa argachuuf;
Teelegiraama https://t.me/afanoromofana
Yuutiyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Tiwiitara https://twitter.com/fanatelevision nu duukaa bu’aa
Feesbuukii:https://www.facebook.com/afaanoromoofana/
Yeroo maraa nu waliin waan taataniif isin galateeffanna.