Jilli Koolleejjii Istaafii fi Ajajummaa Raayyaa Ittisaa Taanzaaniyaa Koolleejjii Istaafii fi Ajajummaa Itiyoophiyaa daawwate

Finfinnee, Bitootessa 17, 2016(FBC)- Jilli Koolleejjii Istaafii fi Ajajummaa Raayyaa Ittisaa Taanzaaniyaa Koolleejjii Istaafii fi Ajajummaa Raayyaa Ittisa Biyyaa Itiyoophiyaa daawwateera.

Jilli daawwannicharratti hirmaates qondaaltota loltummaa fi hoggansa Istaafii Koolleejjii biyyoota 12’rraa walitti baba’an ta’uun ibsameera.

Ajajaa Ittaanaa Koolleejjii Istaafii fi Ajajummaa Raayyaa Ittisa Biyyaa Koloneel Tarrafaa Curiisoo, daawwannichi biyyoota lameen gidduutti walta’iinsaa loltummaa raattaa ittisa biyyaa kan cimsuu fi muuxannoo kan argamu ta’uu kaasan.

Koolleejjichi hoggantootaa olaanoo biyyootaa ollaa fi Itiyoophiyaa koorsiiwwan gaggabaabaan digirii 2ffaan akka leenjisu eeraniiru.

Gita isaanii Taanzaaniyaa Koloneel Jaafaar Amadaan Aristaayid gama isaaniin, simannaa taasifamee fi sochii koolleejjichaa dinqisiifatanii, koolleejjichaa waliin waloon hojjechuuf dhimmoota dandeessisanirratti mari’achuu ibsuu Ragaan Raayyaa Ittisa Biyyaarraa argame ni mul’isa.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama https://t.me/afanoromofana

Yuutiyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Tiwiitara https://twitter.com/fanatelevision nu duukaa bu’aa

Feesbuukii:https://www.facebook.com/afaanoromoofana/

Yeroo maraa nu waliin waan taataniif isin galateeffanna.