Walitti bu’iinsa Sudaan furuuf mariin hunda hammate barbaachisaadha – Ambaasaaddar Taayyeen Atsiqasillaasee

Finfinnee, Bitootessa 13, 2016 (FBC) – Walitti bu’iinsa Sudaaniif furmaata kennuuf mariin hunda hammate kan barbaachisu ta’uu Ministirri Ministeera Dhimma Alaa Ambaasaaddar Taayyee Atsiqasillaaseen ibsan.

Ambaasaaddar Taayyeen Gamtaa Afrikaatti Miseensota Mana Maree Uwwisa Nageenyaa fi Tasgabbii rakkoo Sudaan furuuf hundaa’e waliin mari’ataniiru.

Waldhabdee Sudaan hiikuuf Gamtaan Afrikaa hojiilee hojjetaa jiru Itiyoophiyaan kan deeggartu ta’uu Ambaasaaddar Taayyeen ibsaniiru.

Rakkoo biyyattii mudate hiikuuf mariin abbootiin dhimmaa hirmaachisee fi Gamtaa Afrikaan durfamu murteessaa ta’uu dubbataniiru.