Pirimeer liigii Ingilaandiin galgala kana falmiin Liivarpuuliif Maanchistar Siitii ni eegama

Finfinnee, Bitootessa 1, 2016 (FBC) – Taphoota Pirimeer liigii Ingilaandiin torbee 28ffaan galgala kana falmiin Liivarpuuliif Maanchistar Siitii ni eegama.

Piriimeer liigii Ingilaandiin bara kana kilaboonni sadi garaagarummaa qabxii tokko qofaan wal dursuun 1ffaa hanga 3ffaatti jiru. Arsenaal kaleessa Bireentifordi injifachuun sadarkaa 3ffaarraa gara 1ffaatti dhufe.

Galgala kana morkiin kilaboota sadarkaa 2ffaafi 3ffaa jiranii xiyyeeffannaa guddaa argateera.

Kilaboonni lamaan qabxii yoo qooddatan Arsenaal dursummaan itti fufa.

Kilaboota lamaan keessaa tokko yoo injifate Arsenaal sadarkaa 1ffaa dabarsee kenna.

Galgala kana sa’aatii 12:45tti Anfildi Roodiratti morkiin Liivarpuuliifi Maanchister Siitiin waliin taasisaan kallattii waancaa akeekaan eegama.

Tapha kanaan miidhamni taphattootaa kan itti hammaate Liivarpuul taphattoota sadeetti miidhamaan kan dhabu yoo ta’u, gama Maanchiistar Siitiin Jarmii Dookuu, Maatiyas Nuuneesiifi Giriliishan ala taphattoonn hundi tapha kanaaf qophiidha jedhame.

Liivarpuuliifi Maanchistar Siitiin walii galaan taphoota 195 waliin morkataniin Liivarpuul 93 yoo injifatu, Maanchistar Siitiin yeroo 50 injifachuun 52 qabxii qooddataniiru.

Taphoota shan as dhiyeenya waliin taphataniin ammoo yeroo lama lama wal moo’achuun tokko qixaan xumuraniiru.

Tilmaamni injifannoo guddaan Maanchistar Siitiif kan kenname ta’us, dirreefi deeggartoota isaa fuulduratti kan morkatu Liivarpuul laayyootti harka hin kennu jedhamaa jira.

Dajanuu Gonfaatiin

#Oromia #Ethiopia

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.