Hawaasni Kiristiyaanaa Baatiiwwan Soomaa keessa lammiilee rakkatan yaadachuu qabu – Abunee Maatiyaas

Finfinnee, Bitootessa 1, 2016 (FBC) – Hawaasni Kiristiyaanaa Baatiiwwan Soomaa keessa lammiilee rakkatan yaadachuu fi gargaaruu akka qaban Paatiriyaarikiin Mana Amantaa Ortodoksii Waloomaa Eebbifamoo Abunee Maatiyaas gaafatan.

Baatiiwwan soomaa kana keessa kan rakkate gargaaraa hojii tola ooltummaa hojjechuun dabarsuun murteessaa ta’uu eeraniiru.

Sooma guddaa Ayyaana Hiikaa boruu eegalu hordofee Paatiriyaarikiin Mana Amantaa Ortodoksii Waloomaa Eebbifamoo Abunee Maatiyaas ergaa baga geessanii dabarsaniiru.

Soomni akkaataa cubbuu fi jinnii itti injifannu waaqayyoon kan itti nu barsiiseedha jedhan.

Soomni riqicha waaqayyoon wal nuquunnamsu waan ta’eef hawaasni kiristiyaanaa baatiiwwan kana keessa hojiilee araaraa, kan rakkate gargaaruu fi hojii gaarii biroo hojjechuu akka qaban yaadachiisaniiru.

Lammiilee sababoota adda addaan rakkoof saaxilaman cinaa dhaabbachuun barbaachisaa ta’uu ibaniiru.