Guyyaan Injifannoo Adwaa Afrikaa Kibbaa fi Paakiistaanitti kabajame

Finfinnee, Guraandhala 28, 2016 (FBC) – Guyyaan Yaadannoo Injifannoo Adwaa waggaa 128ffaan Afrikaa Kibbaa fi Paakiistaanitti qophiilee adda addaan kabajameera.

Ayyaana Afrikaa Kibbaa magaalaa Piriitooriyaatti kabajamerratti Ambaasaaddaroonni biyyoota adda addaa, bakka buutoonni dhaabbilee idil addunyaa, hayyoonnii fi bakka buutoonni waldaalee diyaaspooraa argamuu ibsameera.

Injifannoon Adwaa kan Itiyoophiyaa qofa osoo hin taane mallattoo ummattoota Gurraachaa ta’uun Siidaa dhaabate ta’uu Afrikaa Kibbaatti Ambaasaaddarri Itiyoophiyaa Dooktar Muktaar Kadir eeraniiru.

Injifannoon Adwaa injifannoo seenaa addunyaa jijjiiree fi bu’uura qabsoo bilisummaa Afrikaanootaa ta’uu Ambaasaaddar Muktaar eeraniiru.

Guyyaan kun Paakiistaanittis haala hoo’aa ta’een sagantaalee garagaraan kabajameera.

Itiyoophiyaanoonni bilisummaa isaanii kabachiisuuf injifannoo addunyaa dinqiisiise Gaarreen Adwaarratti galmeessuu Paakiistaanitti Ambaasaaddarri Itiyoophiyaa Jamaal Bakar himaniiru.

Injifannoon Adwaa injifannoo ummata gurraachaa hunda kabachise injifannoo guddaa ta’uu eeraniiru.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.