Hanga ammaatti biqiltuun Avokaadoo Sanyii Filatamaa miiliyoona 15.7 qophaa’uu Biirichi beeksise
Finfinnee, Guraandhala 6, 2016 (FBC)- Bara kana biqiltuu muduraa gosa adda addaa qopheessuuf karoorfamee hojjetamaa jiruun biqiltuu Avokaadoo Sanyii Filatamaa miiliyona 15.7 ol qophaa’uu Biiroon Qonnaa Oromiyaa beeksise.
Godina Harargee Bahaatti qophii biqiltuu Ashaaraa Magariisaa fi muduraa daawwatameera.
Hogganaan Biiroo Qonnaa Oromiyaa Obbo Geetuu Gammachuun, barana sagantaa Ashaaraa Magariisaa Boqonnaa 2ffaa waggaa 2ffaaf biqiltuu gosa adda addaa biiliyoona 5.5 qopheessuuf karoorfamee hanga ammaatti biqiltuu biiliyoonni 3.69 qophaa’uu himaniiru.
Biqiltuu muduraa gosa adda addaa qopheessuuf karoorfamee hojjetamaa jiraachuus eeruun, biqiltuu Avokaadoo Sanyii Filatamaa miiliyoona 9.3 qopheessuuf karoorfameen, hanga ammaatti biqiltuu miiliyoona 15.7 qophaa’uu dubbachuu ragaan biiricharraa argame ni mul’isa.
#Oromiyaa #Itiyoophiyaa
Odeeffannoowwan waqtaawaa dabalataa argachuuf;
Teelegiraama https://t.me/afanoromofana
Yuutiyuubii Afaan Oromo: https://bit.ly/3FjfCXR
Marsariitii fanabc.com/afaanoromoo
Tiwiitara https://twitter.com/fanatelevision nu duukaa bu’aa
Feesbuukii:https://www.facebook.com/afaanoromoofana/
Yeroo maraa nu waliin waan taataniif isin galateeffanna.