Dooktar Abiy Ijaarsa Riizoortii Shabaleey daawwatan

Finfinnee, Guraandhala 5, 2016 (FBC) – Ministirri Muummee FDRI Dooktar Abiy Ahimad qaama ‘Maaddiin Biyyaaf’ kan ta’e Riizoortii Shabaleey naannoo Somaaleetti ijaaramaa jiru daawwataniiru.

Riizoortiin Shabaleey hojiilee gurguddoo sagantaa ‘Maaddiin Biyyaaf’ hojjetaman keessaa tokko yoo ta’u, jilli Ministira Muummee FDRI Dooktar Abiy Ahimadiin durfamu har’a ganama naannawicha daawwateera.

Magaalaa Jigjigaarraa Kiiloo Meetira 19 fagaatee kan argamu Riizoortiin Shabaleey lafa hektaara 385 irratti ijaaramaa jiraachuu ragaan Waajjira Ministira Muummeerraa argame ni mul’isa.

Piroojektiin kun imala Itiyoophiyaan damee Turizimii babal’isuu fi guddina Diinagdee milkeessuuf hojjetaa jirtu caalmaatti kan agarsiisu ta’uu ibsameera.

#Oromiyaa #Ityoophiyaa