Faayidaa Loomii

Finfinnee, Sadaasa 2, 2016 (FBC) – Loomiin kuduraa fi muduraa keessaa tokko ta’ee dur irraa kaasee ilmi namaa wanta garagaraaf itti fayyadamaa tureera.

Loomiin yeroo baayyee qabiyyee isaa kan ta’e vaayitaaminii C dhan beekamuus, dabalataan qabiyyee biroo hedduu ilma namaaf faayidaa guddaa qaban albuudota akka; ayiranii, Kaalsiyeemii, Maagniziyeemii, Pootasiyeemii fi Vitaamina biroo hedduu of keessaa qaba.

Faayidaa Loomii keessaa isaan muraasa:-

1, Dandeettin dhibee ittisuu qaamaa akka dabalu taasisun; infeekshiinii baakteriyaa fi vaayirasiin dhufan akka salphaatti hin hubamne ni godha.

2. Fayyummaa onnee eeguu fi rakkoolee sirna marsaa dhiigaa waliin walqabatee dhufu biroo kan akka istirookii / stroke(dhiigni sammuu keessatti dhiiguu ykn itituu) ni ittisa.

3.Ulfaatina qaamaa madaalawaa ta’e akka qabaatan taasiisa.

4.Cirrachi kalee akka hin uumamne ni taasisa

5.Asmii ittisuuf ni gargaara

6.Fayyummaa gogaa fi rifeensaf ni oolaa, shunturuu gogaa balleessuuf ni gargaara

7.Fayyummaa tiruuf, kanaaf tiruu akka xuraawan garagaraa qaama keessaa saffisaan balleessuuf ni garagaraa,

8.Infeekshiini sirna haargansu ta’an kan akka dhukkubbii qoonqoo,biroonkaayitii ittisuuf ni gargaara.

9.Dhukkubbii buusaawwanii fi maashaalee ni hir’isa

10.Qufaa/Utaalloo akka nu hin qabnee ni ittisa ykn yoo qabamnee immoo akka dafnee fayyinnuu ni gargaara.

11.Hir’ina dhiigaa ni ittisa

12.Carraa Kaanserii garagaraan qabamuu ni hir’isaa.

13.Fayyummaa sirna bullaa’insa nyaataa ni eega.

14.Hammi asiidii fi beezii ( PH) qaama keessaa madaalawaa akka ta’u ni taasisa.

15.Dhibee hanqinna Vaayitaaminii Cn dhufuu Iskaarvii jedhamuu( scurvy) fi rakkoo isaan walqabatee dhufu kan akka dadhabbiin namatti dhagahamuu( fatigue), kulkulluu fi dhiiguu irga ilkaanii, dhiiguu hidda dhiigaa xixxiqqoo gogaa keessaatti argamanii, dhukkubbii buusaa lafee, madaan dafee fayyuu diduu fi kkf ni ittisa.

16.Foolii afaanii badaa ta’e ni hir’isa

17.Nyaata bifa garagaraan qophaa’anitti dabalamuun foolii fi dhandhama gaarii akka qabaatan taasisa.

Loomii bifa garagaraan fayyadamuun ni danda’ma, garuu bishaan hoo’aa waliin walitti makuun ganama ganama garaa duwwaatti osoo dhugnee ni filatama.

Loomii garmalee baayi’sanii fayyadamuunis miidhaa fiduu danda’a.

Loomiin asiidii baayyee waan of keessaa qabuuf, Yoo baayisnee fayyadamne miidhaa nurran geesisuu danda’a ykn rakkoolee kanaan dura jiran nutti hammessuu danda’a.

1.Gubaa laphee hammessuu danda’a

2.Afaan madeessuu danda’a

3.Ilkaan keenya miidhuu danda’a.

Kanaaf al tokkotti baay’isnee fayyadamuu irra guyya guyyaan fayyadamuun gaarii ta’uu ogeeyyiin yaala fayyaa ni dubbatu.

#Oromiyaa #Ityoophiyaa

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.