Oromiyaatti Ayyaanaa Qillee fi Cuuphaaf meeshaaleen bu’uuraa gatii madaalawaan dhiyaachaa jiru jedhame

Finfinnee, Mudde 25, 2015(FBC)-Naannoo Oromiyaatti Ayyaanaa Qillee fi Cuuphaaf meeshaaleen bu’uuraa gatii madaalawaan dhiyaachaa jiraachuu Biiroon Daldalaa Oromiyaa beeksise.

Hogganaan Biiroo Daldalaa Oromiyaa Obbo Daani’eel Charinnat, dhiyeessii meeshaalee bu’uuraa ilaalchisuun ibsa laataniiru.

Obbo Daani’eel ibsa isaaniin, ayyaanoota kanneeniitti hanqinni dhiyeessi akka hinmudanneef qaamolee dhimmichi ilaallatu waliin hojjecha jiraachuu dubbataniiru.

Haalumaa kanaan naannicha keessatti rakkoolee sirna daldalaarratti mudatan koreen hordofu hundaa’uun hojiitti seenuu ibsameera.

Ayyanoota kanneeniif zayiti nyaataa sadarkaa naannoo Oromiyaatti litirii miiliyoona 5.5 gabaaf dhiyaachuun ibsameera.

Halumaa kanaan zaayitni nyaataa Birri 840’n dhiyaachaa ture hanga birri 522’tti akka dhiyaatuu taasifamu eeraniiru.

Haaluma walfakkatuun, sukkaarri kuntaala kuma 38 gabaaf akka dhiyaatu taasisfamuu eeruun, gatii sukkaaraa kiloogiraami 1 birrii 57 fi saantima 67’tti akka gurguramu kaasaniiru.

Beeylaadoota dhaabbii kumni 600 fi kumni 80 gabaaf akka dhiyaatu taasifameera.

Hawaasni daldaltoota gatii kaa’ameen ala dabaallii gatii taasisan hordofuun qaamoolee dhimmii ilaallatuuf akka eeraan gafataniiru.

Malaakuu Gaddiftu gabaase.

Odeeffannoowwan waqtaawaa dabalataa argachuuf;

Teelegraama https://t.me/afanoromofana

Yuutyuubii Afaan Oromo: https://bit.ly/3FjfCXR

Marsariitii fanabc.com/afaanoromoo

Twiitara https://twitter.com/fanatelevision nu duukaa bu’aa

Feesbook:https://www.facebook.com/afaanoromoofana/

Yeroo maraa nu waliin waan taataniif isin galateeffanna.