Finfinneetti shakkamtoonni ergama garee shororkeessaa raawwachuuf socho’aa turan to’ataman
Finfinnee, Mudde 4, 2017 (FMC)- Finfinneetti shakkamtoonni ergama garee shororkeessaa raawwachuuf socho’aa turan afur to’atamuu Poolisiin Federaalaa beeksise.
Poolisiin federaalaa hordoffii taasisaa tureen shakkamtoonni ergama garee fiinxaalessaarraa fudhachuun Magaalaa Finfinneetti rasaasa kilaashii 120 fi boombii harkaa qabatanii socho’aa turuu eereera.
Poolisiinis hordoffii cimaa taasisaa tureen Mudde 4, 2017 harkaaf harkatti to’annoo jala oolchuun qorannoo gaggeessaa jiraachuun ibsameera.
Hawaasnis hirmaannaa taasisaa jiruuf galateeffachuun sochii yakkaa walfakkaataa wayita hubatu appilikeeshinii hirmaannaa lammiilee (EFPApp) fayyadamuun yookaan karaa bilbila bilisaa 991’n eeru kennuun yookaan qaamolee nageenyaa dhiheenyaatti argamaniif eeruu kennuu akka danda’uu beeksiseera.