ለሰላም የሚከፈል ማንኛውንም ነገር እንከፍላለን – ጠ/ሚ ዐቢይ

ከምርጫ ጋር በተያያዘ  በሰጡት ማብራሪያ ምርጫው እንደ ሃገር የተማርንበትና ህዝቡም የተማረበት ነበር ብለዋል፡፡

በምርጫው የኢትዮጵያ አሸናፊነት የታየበት ነው፤በምርጫው የሚመለከታቸው ተቋማትና ባለድርሻ አካላት ያደረጉት ጥረትና የሰሩት ስራ የሚደነቅና ሊበረታታ የሚገባው ነውም  ብለዋል፡፡

በዲፕሎማሲ ተቋምን ማደስ ያስፈልጋል ያሉት ጠቅላይ ሚኒስትሩ ቢያንስ 30 ኤምባሲዎችን እንደሚቀነሱ አስታውቀዋል፡፡

በመላው ዓለም ከአምባሳደሮች የሚልቁ ኢትዮጵያውያን አሉ ትልልቅ ስራዎችን ይሰራሉ እነሱን ወደ ስራ ማስገባት ያስፈልጋ ብለዋል፡፡

በሌላ በኩል ተሿሚ ሚኒስትሮች ሾፌር አይቀጠርላቸውም ያሉት ጠቅላይ ሚኒስትሩ እራሳቸው  እንዲያሽከረክሩ ይጠበቃል ብለዋል፡፡

ጠቅላይ ሚኒስትር ዐቢይ የጎዳና ተዳዳሪዎችን ለመቀነስ ኢትዮጵያን መተባበር እንደሚያስፈልግ ገልፀው ከዚህ በተጨማሪ የግል ሴክተሩ እንዲሳተፍበት ጥረት እየተደረገ  መሆኑን አንስተዋል፡፡

ወደተገነቡ ማእከላት ማስገባት ብቻ ሳይሆን ማቆየትም ይገባል፤ ሱስ፣ወላጅ ማጣት፣የተለያዩ ባህሪያት ልምምድ ስላለባቸው በትኩረት መስራት እንደሚያስፈልግም ጠቅሰዋል፡፡