በቅርቡ ይፋ በሚደረገው የመመርመሪያ መሳሪያ የኮሮና ቫይረስ ውጤትን በደቂቃዎች ውስጥ ማወቅ ይቻላል – የዓለም ጤና ድርጅት

መመርመሪያው በአነስተኛ ወጪና በጥቂት የህክምና መሳሪያ ውጤቱን ከ15 እስከ 30 ደቂቃ ውስጥ ይፋ እንደሚያደርግ ነው የተገለጸው፡፡

ለሦስተኛው ዓለም አገራትና መካከለኛ ገቢ ላይ ለሚገኙ አገራትም ትልቅ እፎይታ ነው ተብሏል፡፡

ምክንያቱም አዲሱ መመርመሪያ የጤና ባለሙያዎች እጥረት በሚታይባቸው ቦታዎች የሚፈጠረውን ክፍተት እንደሚሞላ በመታመኑ ነው ተብሏል፡፡

እንዲሁም የመመርመሪያ መሳሪያዎች አነስተኛ በሆነባቸው አገራትም ትልቅ ሚና ይጫወታል ነው የተባለው፡፡

ከዚያም ባለፈ አሁን ይፋ የሆነው የመመርመሪያ መሳሪያ የሰውነት የመከላከል አቅም የሆነውን አንቲጅንን እንዲሁም በቫይረሱ ዙሪያ ያላውን ፕሮቲንን ይለያል ተብሏል፡፡

ከዚህ ቀደም ውስብስብ የሆነ የህክምና መሳሪያ ያስፈልገው የነበረውን የፒሲአር መመርመሪያ መሳሪያን እንደሚያስቀርም ኢቭኒንግ ስታንዳርድ ዘግቧል፡፡