የኢትዮጵያ አየር መንገድ የቀድሞ ዋና ስራ አስፈጻሚ ካፒቴን መሐመድ አሕመድ ከዚህ አለም በሞት ተለዩ

አዲስ አበባ፣ ሕዳር 17፣ 2017 (ኤፍ ቢ ሲ) በኢትዮጵያ አየር መንገድ ከ10 ዓመታት በላይ በዋና ስራ አስፈጻሚነት ያገለገሉት ካፒቴን መሐመድ አሕመድ ከዚህ አለም በሞት ተለይተዋል፡፡

ካፒቴን መሐመድ አሕመድ አየር መንገዱን እ.ኤ.አ ከ1980 እስከ 1991 ዓ.ም በዋና ስራ አስፈፃሚነት በማገልገል ለአየር መንገዱ ዘመን ተሻጋሪ ዕድገት የበኩላቸውን የመሪነት አስተዋፅዖ ያበረከቱ ሰው እንደነበሩ ተገልጿል፡፡

ስርዓተ ቀብራቸውም ዛሬ የኢትዮጵያ አየር መንገድ ግሩፕ ዋና ስራ አስፈፃሚ አቶ መስፍን ጣሰው፣ የአየር መንገዱ ማኔጅመንት አባላትና ሰራተኞች ፣ የቀድሞ የስራ ባልደረቦቻቸው እንዲሁም ቤተሰቦቻቸውና ወዳጅ ዘመዶቻቸው በተገኙበት በኮልፌ ሙስሊም መካነ መቃብር መፈጸሙን የአየር መንገዱ መረጃ አመላክቷል።