ባየርንሙኒክ ከፒኤስጂ እንዲሁም ስፖርቲንግ ሊዝበን ከአርሰናል የሚያደርጉት ፍልሚያ ይጠበቃል

አዲስ አበባ፣ ሕዳር 17፣ 2017 (ኤፍ ቢ ሲ) የአውሮፓ ሻምፒየንስ ሊግ የምድብ አምስተኛ ዙር ጨዋታዎች ዛሬ ምሽት ሲካሄዱ ባየርንሙኒክ ከፒኤስጂ እንዲሁም ስፖርቲንግ ሊዝበን ከአርሰናል የሚያደርጉት ፍልሚያ ይጠበቃል፡፡

ምሽት 2 ሠዓት ከ45 ላይ ስሎቫን ብራቲስላቫ ከኤሲሚላን እንዲሁም የቼክ ሪፐብሊኩ ስፓርታ ፕራግ ከአትሌቲኮ ማድሪድ ይጫወታሉ፡፡

በሌላ የጨዋታ መርሐ-ግብር ምሽት 5 ሠዓት አሊያንዝ አሬና ላይ ባየርንሙኒክ ከፒኤስጂ እንዲሁም ኢስታዲዮ ጆዜ አልቫላዴ ላይ የፖርቹጋሉ ስፖርቲንግ ሊዝበን ከአርሰናል የሚያደርጉት ፍልሚያ የምሽቱ ተጠባቂ ጨዋታ ነው፡፡

በአርሰናል በኩል ለረጅም ጊዜ በጡንቻ መሳሳብ ጉዳት ከሜዳ ርቆ የቆየው ስኮትላንዳዊ የግራ መሥመር ተከላካይ ኬራን ቴርኒ በቡድኑ ተካቷል፡፡

በተመሳሳይ ምሽት 5 ሠዓት ላይ ባርሴሎና ከፈረንሳዩ ብረስት፣ የጀርመኑ ባየርሊቨርኩሰን ከኦስትሪያው ሬድ ቡል ሳልዝበርግ፣ ኢንተርሚላን ከአርቢ ሌብዚግ፣ ማንቼስተር ሲቲ ከሆላንዱ ፌይኖርድ እንዲሁም የሲዊዘርላንዱ ያንግ ቦይስ ከጣሊያኑ አታላንታ ይፋለማሉ፡፡