በኢትዮጵያ የፖርቹጋልና ሮማንያ አምባሳደሮች ብርሃን የአይነ ስውራን 2ኛ ደረጃ አዳሪ ት/ቤትን ጎበኙ
አዲስ አበባ፣ ሕዳር 16፣ 2017 (ኤፍ ቢ ሲ) በኢትዮጵያ የፖርቹጋል አምባሳደር ልዊሳ ፍራጎሶ እና የሮማንያ አምባሳደር ጂሊያ ፓታቺ ብርሃን የአይነ ስውራን 2ኛ ደረጃ አዳሪ ትምህርት ቤትን ጎብኝተዋል፡፡
በቀዳማዊት እመቤት ጽ/ቤት ዘላቂ ለውጥን ለማምጣት መሰረት በማድረግ እየተተገበሩ ካሉ ፕሮጀክቶች ውስጥ ሁለተኛ ደረጃ ትምህርት ቤቶችን በመገንባት ጥራት ያለው ትምህርትን ተደራሽ ማድረግ አንዱ መሆኑ ተገልጿል፡፡
በዚህ መሰረት ከተገነቡ ት/ቤቶች ውስጥ በኢትዮጵያ በዘመናዊነቱ ብቸኛ የሆነውን ብርሃን የአይነ ስውራን 2ኛ ደረጃ አዳሪ ት/ቤትን የውጭ ጉዳይ ሚኒስትር ዴዔታ አምባሳደር ብርቱካን አያኖ ለአምባሳደሮቹ ማስጎብኘታቸውን የቀዳማዊት እመቤት ጽ/ቤት መረጃ ያመላክታል፡፡