ፊልድ ማርሻል ብርሃኑ ጁላ ለሥራ ጉብኝት ባሕር ዳር ገቡ

አዲስ አበባ፣ ሕዳር 6፣ 2017 (ኤፍ ቢ ሲ) የጦር ኃይሎች ጠቅላይ ኢታማዦር ሹም ፊልድ ማርሻል ብርሃኑ ጁላ ለሥራ ጉብኝት ባሕር ዳር ከተማ ገብተዋል።

ፊልድ ማርሻሉ ባሕር ዳር ሲገቡ የአማራ ክልል ርዕሰ መሥተዳድር አረጋ ከበደ፣ በብልጽግና ፓርቲ የአማራ ክልል ቅርንጫፍ ጽሕፈት ቤት ኀላፊ ይርጋ ሲሳይ እና ሌሎች ከፍተኛ የስራ ሃላፊዎች እና ነዋሪዎች ደጃዝማች በላይ ዘለቀ ዓለም አቀፍ አየር ማረፊያ ተገኝተው ደማቅ አቀባበል አድርገውላቸዋል።

ፊልድ ማርሻል ብርሃኑ ጁላ በባሕር ዳር ቆይታቸው በክልሉ ወቅታዊ ጉዳዮች ዙሪያ በተለይም የክልሉን ሕዝብ ዘላቂ ሰላም ለማረጋገጥ የሚያስችሉ ውይይቶችን ያደርጋሉ ተብሎ እንደሚጠበቅ አሚኮ ዘግቧል፡፡

በተጨማሪም በባሕር ዳር ከተማ የሚከናወኑ የልማት ሥራዎችን ተዘዋውረው እንደሚመለከቱ ይጠበቃል።