እስራኤል በፈጸመችው የአየር ጥቃት የ37 ንጹሃን ሕይወት አልፏል- ሊባኖስ

አዲስ አበባ፣ ጥቅምት 27፣ 2017 (ኤፍ ቢ ሲ) እስራኤል ትናንትና እና ዛሬ በተለያዩ አካባቢዎች በፈጸመችው የአየር ጥቃት የ37 ዜጎቿ ሕይወት ማለፉን ሊባኖስ አስታውቃለች፡፡

ጥቃቱ የተፈጸመው በሰዎች የመኖሪያ ሕንጻ ላይ መሆኑን የገለጸችው ሊባኖስ÷ “ድርጊቱ ንጹሃንን ዒላማ ያደረገ ነው” ስትል ኮንናለች፡፡

እስራኤል በበኩሏ ጥቃቱን የፈጸመችው ሂዝቦላ በሚገኝበት ሥፍራ መሆኑን ገልጻለች፡፡

በደቡባዊ ቤይሩት ትናንት እስራኤል በፈጸመችው የአየር ጥቃት የ30 ሰዎች ሕይወት ማለፉን እና ዛሬ በኔቢቲያህ ከተማ በፈጸመችው ጥቃት የሰባት ሊባኖሳውያን ሕይወት መቀጠፉን የሀገሪቱ መገናኛ ብዙኃን ዘግበዋል፡፡

ዛሬ በተፈፀመው ጥቃትም አንድ የሂዝቦላ ኮማንደር መግደሉን የእስራኤል ጦር ማስታወቁን ቢቢሲ ዘግቧል፡፡

“የሂዝቦላ መሪ ናኢም ቃሲም በአሥር ሺህዎች የሰለጠኑ ወታደሮች አሉን፤ እስራኤልን መዋጋታችንንም አጠናክረን እንቀጥላለን” ማለታቸውን ዘገባው አመላክቷል፡፡