አርሰናል በኒውካስል ዩናይትድ ተሸነፈ

አዲስ አበባ፣ ጥቅምት 23፣ 2017 (ኤፍ ቢ ሲ) በ10ኛ ሳምንት የእንግሊዝ ፕሪሚየር ሊግ ወደ ሴንት ጀምስ ፓርክ አቅንቶ ኒውካስል ዩናይትድን የገጠመው የሰሜን ለንደኑ ክለብ አርሰናል 1 ለ 0 ተሸንፏል፡፡

የኒውካስል ዩናይትድን ብቸኛ የማሸነፊያ ግብ አሌክሳንደር ኢሳክ 12ኛው ደቂቃ ላይ ከመረብ አሳርፏል፡፡

የጨዋታ መርሐ ግብሩ ሲቀጥል ምሽት 12 ሰዓት ላይ የሊጉ መሪ ማንቼስተር ሲቲ ከሜዳው ውጭ በርንማውዝን የሚገጥም ሲሆን÷ በተመሳሳይ ሰዓት ሊቨርፑል በአንፊልድ ብራይተንን ያስተናግዳል።

ኢፕስዊች ታውን ከሌስተር፣ ኖቲንግሃም ፎረስት ከዌስትሃም፣ ሳውዛምፕተን ከኤቨርተን በተመሳሳይ 12 ሰዓት የሚጫወቱ ሲሆን፥ ምሽት 2:30 ዎልቭስ ከክሪስታል ፓላስ የሚገናኙ ይሆናል።