ጀነራል አበባው ታደሰ የፊቤላ ኢንዱስትሪያል የመኪና መገጣጠሚያን ጎበኙ

አዲስ አበባ፣ መስከረም 29፣ 2017 (ኤፍ ቢ ሲ) የጦር ሃይሎች ም/ጠቅላይ ኢታማዦር ሹም ጀነራል አበባው ታደሰ በደብረ ብርሃን ከተማ የፊቤላ ኢንዱስትሪያል ኃ/የተ/ የግ/ማ የመኪና መገጣጠሚያን ጎብኝተዋል።

በጉብኝታቸውም ተገጣጥመው ለሥራ ዝግጁ የሆኑ ተሽከርካሪዎችን እና አጠቃላይ የኢንዱስትሪውን የሥራ እንቅስቃሴ ተዘዋውረው ተመልክተዋል፡፡

የኮማንዶና አየር ወለድ ዕዝ አዛዥ ሌ/ጀ  ሹማ አብደታና የአማራ ክልል የጸጥታ ዘርፍ ሃላፊን ጨምሮ የክልሉና የሠራዊቱ ከፍተኛ  አመራሮች በጉብኝቱ መሳተፋቸውን የመከላከያ ሰራዊት ማህበራዊ ትስስር ገጽ መረጃ ያመላክታል፡፡