በመዲናዋ 837 መኖሪያ ቤቶች ለአቅመ ደካሞችና ለሀገር ባለውለታዎች ተበረከቱ

አዲስ አበባ፣ ጳጉሜ 3፣ 2016 (ኤፍ ቢ ሲ) የአዲስ አበባ ከተማ አስተዳዳር አዲስ ዓመትን ምክንያት በማድረግ በተለያዩ ክ/ከተሞች የተገነቡ 837 መኖሪያ ቤቶችን ለአቅመ ደካሞችና ለሀገር ባለውለታ ነዋሪዎቻች አስተላልፏል።

የአዲስ አበባ ከተማ ከንቲባ አዳነች አቤቤ እንዳሉት÷በአጭር ጊዜ ውስጥ ተገንብተው ለነዋሪዎች ከተላለፉ ቤቶች ውስጥ የስራና ክህሎት ሚኒስቴር በየካ ክፍለ ከተማ የገነባቸው 54 ቤቶች ይገኛሉ፡፡

በተጨማሪም በንፋስ ስልክ ላፍቶ ክ/ከተማ በተለያዩ ባለሃብቶች 108 ቤቶችና በአራዳ ክ/ከተማ በአብዱለጢፍ ዑመር ፋውንዴሽን (አሚባራ ግሩፕ) 32 ቤቶች መገንባታቸውን ጠቅሰዋል፡፡

ከንቲባዋ ነዋሪዎች አዲስ ዓመትን በአዲስ ተስፋ እንዲጀምሩ ትልቅ አስተዋፅዖ ላበረከቱ ተቋማትና የከተማዋ ልበ ቀና ባለሃብቶች ምስጋና አቅርበዋል፡፡