ፊልድ ማርሻል ብርሃኑ ጁላ በምስራቅ ዕዝ የተገነባውን የገርባሳ አምፊ ቴአትር መርቀው ከፈቱ

ፊልድ ማርሻል ብርሃኑ ጁላ በምስራቅ ዕዝ የተገነባውን የገርባሳ አምፊ ቴአትር መርቀው ከፈቱ

አዲስ አበባ፣ ነሐሴ 30፣ 2016 (ኤፍ ቢ ሲ) የጦር ሃይሎች ጠቅላይ ኤታማዦር ሹም ፊልድ ማርሻል ብርሃኑ ጁላ በምስራቅ ዕዝ ማሰልጠኛ ማዕከል የተገነባውን የገርባሳ አምፊ ቴአትር መርቀው ከፍተዋል።

በምረቃ ሥነ-ሥርዓቱ የሶማሌ ክልል ርዕሰ መስተዳድር አቶ ሙስጠፌ መሃመድን ጨምሮ ሌሎች የሥራ ሃላፊዎች ተገኝተዋል፡፡

ፊልድ ማርሻል ብርሀኑ ጁላ 47ኛውን የምስራቅ ዕዝ የምስረታ ክብረ በዓልን ለመታደም በዛሬው ዕለት ጅግጅጋ መግባታቸው ይታወሳል፡፡

በዝግጅቱ የተለያዩ ወታደራዊ ትዕይንቶችን ጨምሮ ምስራቅ ዕዝን የሚዘክሩና ቀጣይ አቅጣጫን የሚጠቁሙ መልዕክቶች እንደሚተላለፉ የመከላከያ ሠራዊት ማህበራዊ ትስስር ገጽ መረጃ ያመላክታል፡፡