በሲዳማ እና በደቡብ ምዕራብ ኢትዮጵያ ህዝቦች ክልል የተማሪዎች ምዝገባ ተጀመረ

አዲስ አበባ፣ ነሐሴ 23፣ 2016 (ኤፍቢሲ) የ2017 ዓ.ም የትምህርት ዘመን ቅድመ ዝግጅት አጠናቅቀው የተማሪዎች ምዘገባ መጀመራቸውን የሲዳማ እና የደቡብ ምዕራብ ኢትዮጵያ ህዝቦች ክልል ትምህርት ቢሮዎች አስታውቀዋል።

በሲዳማ ክልል 1ነጥብ 3 ሚሊየን ተማሪዎችን ለማስተማር ዝግጅት መደረጉን የክልሉ ትምህርት ቢሮ ኃላፊ በየነ በራሳ ተናግረዋል፡፡

የደቡብ ምዕራብ ኢትዮጵያ ህዝቦች ክልል ትምህርት ቢሮ ምክትል ሃላፊ ደስታ ገነሜ(ዶ/ር) በበኩላቸው÷ 1 ነጥብ 1ሚሊየን ተማሪዎችን በትምህርት ገበታ ላይ ለማስቀመጥ ምዝገባ ተጀምሯል ብለዋል።

የሁለተኛ ደረጃ ትምህርት መጻህፍትን ለተማሪዎች ተደራሽ መሆኑን የጠቀሱት የትምህርት ቢሮዎቹ ÷የአካባቢ ቋንቋ ትምህርት መጽሃፍት ህትመት ደግሞ እየተከናወነ እንደሚገኝ ገልጸዋል።

በሌላ በኩል በደቡብ ምዕራብ ኢትዮጵያ ህዝቦች ክልል የሚሰተዋለውን የደመወዝ እና ጥቅማጥቅም ችግር ለመፍታት በክልሉ መንግስት አቅጣጫ መቀመጡ ተገልጿል፡፡

በአልማዝ መኮንን