የአርቲስት ኩራባቸው ደነቀ የቀብር ስነ-ስርዓት ተፈጸመ

አዲስ አበባ፣ ነሐሴ 21፣ 2016 (ኤፍ ቢ ሲ)የአርቲስት ኩራባቸው ደነቀ የቀብር ስነ-ስርዓት በቀጨኔ መድኃኔዓለም ቤተክርስቲያን ተፈጽሟል፡፡

አርቲስት ኩራባቸው ደነቀ በተከታታይ የሬዲዮና የቴሌቪዥን ድራማዎችን ጨምሮ በተለያዩ ቴአትሮች እና ፊልሞች ላይ ተሳትፏል፡፡

የዝናቧ እመቤት፣ የገንፎ ተራራ፣ የጨረቃ ቤት፣ ዓይነ ሞራ፣ ንጉሥ ሊር፣ ጥሎሽ፣ ጣውንቶቹ፣ ከራስ በላይ ራስ፣ የሸክላ ጌጥ፣ የጫጉላ ሽርሽርና ቅርጫው አርቲስት ኩራባቸው ከተሳተፈባቸው የመድረክ ቴአትሮች ውስጥ ጥቂቶቹ ናቸው፡፡

ከተዋናይነት ባለፈም ቴአትሮችን በመጻፍ በማዘጋጀት ለኪነ ጥበቡ የላቀ አስተዋጽኦ አበርክቷል።

አርቲስት ኩራባቸው ደነቀ በትናንትናው ዕለት ከዚህ ዓለም በሞት የተለየ ሲሆን÷ የቀብር ስነስርዓቱ ዛሬ ከቀኑ 6፡00 ሰዓት ቤተሰቦቹ ፣ወዳጅ ዘመዶቹና አድናቂዎቹ በተገኙበት በቀጨኔ መድሃኔዓለም ቤተክርስቲያን ተፈፅሟል፡፡

አርቲስቱ ባለትዳር እና የሁለት ወንዶችና የአንዲት ሴት ልጆች አባት ነበር፡፡