የኢትዮጵያ ንግድ ባንክ የዑጋንዳውን ኤስ ሲ ቪላ በማሸነፍ ወደ ቀጣዩ ዙር አለፈ

አዲስ አበባ፣ ነሐሴ 18፣ 2016 (ኤፍ ቢ ሲ) የካፍ ሻምፒየንስ ሊግ የቅድመ ማጣሪያ የመልስ ጨዋታውን በአበበ ቢቂላ ስታዲየም ከዑጋንዳው ክለብ ኤስ ሲ ቪላ ጋር ያደረገው የኢትዮጵያ ንግድ ባንክ የወንዶች እግር ኳስ ቡድን አንድ አቻ አጠናቅቋል።

ጎሎቹን ሱሌይማን ሀሚድ በ64ኛው ደቂቃ ለንድ ባንክ እንዲሁም ለኤስ ሲ ቪላ ፓትሪክ ካካንዴ በ74ኛው ደቂቃ አስቆጥረዋል፡፡

የኢትዮጵያ ንግድ ባንክ ከሜዳው ውጪ ያደረገውን ጨዋታ 2 ለ 1 መርታቱን ተከትሎም በደርሶ መልስ 3 ለ 2 በሆነ ውጤት አሸንፎ ወደ ቀጣዩ ዙር አልፏል፡፡

ቡድኑ በሁለተኛው ዙር የማጣሪያ ጨዋታውም የታንዛኒያውን ያንግ አፍሪካ የሚገጥም ይሆናል።