ሰሜን ምዕራብ ዕዝ ለውስብስብ ተልዕኮዎች የማይበገር ጠንካራ ዕዝ ነው – ፊልድ ማርሻል ብርሃኑ ጁላ

አዲስ አበባ፣ ነሐሴ 14፣ 2016 (ኤፍ ቢ ሲ) ሰሜን ምዕራብ ዕዝ ግዳጅና ተልዕኮውን በጀግንነት እየፈፀመ የመጣ ዕዝ መሆኑን የጦር ሃይሎች ጠቅላይ ኤታማዦር ሹም ፊልድ ማርሻል ብርሃኑ ጁላ ተናገሩ፡፡

የሰሜን ምዕራብ ዕዝ ጠቅላይ መምሪያ ባካሄደው የ2016 በጀት ዓመት የውይይት ማጠቃለያ ላይ ፊልድ ማርሻል ብርሃኑ ጁላ በቪዲዮ ኮንፈረንስ የሥራ መመሪያ ሰጥተዋል፡፡

በዚህ ወቅትም÷ሰሜን ምዕራብ ዕዝ አማራ ክልልን ከመፍረስ አደጋ የታደገ ጠንካራ ዕዝ መሆኑን ገልጸዋል፡፡

የመከላከያ ሃይል የኢትዮጵያ የመጨረሻ ምሽግ ለመሆን የሚያስችለውን የጀግንነት ሥነ-ልቦና፣ ጠንካራ አመራር እንዲሁም ብቃትና አደረጃጀት ፈጥሯል ማለታቸውንም የመከላከያ ሰራዊት ማህበራዊ ትስሰር ገጽ መረጃ ያመላክታል፡፡

ሠራዊቱ በፈተና ውስጥ ራሱን ያበቃ ጠንካራ ሠራዊት መሆኑን አውስተው÷ ሰሜን ምዕራብ ዕዝ በሁለንተናዊ መስክ ያስመዘገበውን ውጤት በቀጣይ ግዳጅና ተልዕኮው የበለጠ አጠናክሮ እንዲቀጥል አሳስበዋል።