የኢትዮጵያ ንግድ ባንክ የሴቶች እግር ኳስ ቡድን ለግማሽ ፍፃሜ አለፈ

አዲስ አበባ፣ ነሐሴ 14፣ 2016 (ኤፍ ቢ ሲ) በካፍ የሴቶች ሻምፒየንስ ሊግ የሴካፋ ሀገራት ማጣሪያ ውድድር እየተሳተፈ የሚገኘው የኢትዮጵያ ንግድ ባንክ የሴቶች እግር ኳስ ቡድን ለግማሽ ፍፃሜ አለፈ፡፡

ዛሬ በአበበ ቢቂላ ስታዲየም በተደረገ ጨዋታ የኢትዮጵያ ንግድ ባንክ የሴቶች እግር ኳስ ቡድን የደቡብ ሱዳኑን ዬ ጆይንት ስታርስን 4 ለ 0 ማሸነፉን ተከትሎ ነው ለግማሽ ፍጻሜ ያለፈው፡፡

የምድቡን ሁለት ጨዋታዎች ያሸነፈው የኢትዮጵያ ንግድ ባንክ አንድ ጨዋታ እየቀረው ግማሽ ፍፃሜውን መቀላቀሉን አረጋግጧል፡፡

ቡድኑ ቀሪ የምድብ  ጨዋታውን የፊታችን ሐሙስ ከኬንያው ኬኒያ ፖሊስ ቡሌትስ ጋር ያደርጋል፡፡