ለበጎ አድራጎት ድጋፍ ማሰባሰቢያ የሜዳ ቴኒስ ላይ የተሳተፈው ዲሚትሮቭ የኮሮና ቫይረስ ተገኘበት

የበጎ አድራጎት ዝግጅቱን ያዘጋጀው ኖቫክ ጃኮቪችም ተገቢው ጥንቃቄ ያልተደረገበት ዝግጅት በማዘጋጀቱ ወቀሳ እየቀረበበት ይገኛል።

ይህ ዝግጅትም ዲሚትሮቭ ቫይረሱ ከተገኘበት በኋላ መሰረዙ ተነግሯል።

ዲሚትሮቭ በኢንስታግራም ገፁ ለአድናቂዎቹ ባስተላለፈው መልዕክት ጎደኞቼ እና አድናቂዎቼ የኮሮና ቫይረስ እንደተገኘብኝ እንዲያውቁ እፈልጋለሁ ብሏል።

ላስከተልኩት ማንኛውም ጎጂ ነገር ይቅርታ እጠይቃለሁ ያለው ተጫዋቹ ለድጋፋችሁም አመሰግናለሁ ሲል ለአድናቂዎቹ መልዕክት ማስተላለፉን አልጀዚራ የዘገበው።