ወላይታ ድቻ ከመመራት ተነስቶ ሀድያ ሆሳዕናን አሸነፈ

አዲስ አበባ፣ ሰኔ 9፣ 2016 (ኤፍ ቢ ሲ) በ27ኛ ሣምንት የኢትዮጵያ ፕሪሚየር ሊግ ወላይታ ድቻ ከመመራት ተነስቶ ሀድያ ሆሳዕናን 2 ለ 1 ማሸነፍ ችሏል፡፡

ሀድያ ሆሳዕና በመጀመሪያው አጋማሽ በተመስገን ብርሃኑ ብቸኛ ጎል 1 ለ 0 እየመራ ወደ መልበሻ ክፍል አምርቷል፡፡

ከዕረፍት መልስ በአብነት ደምሴ ጎል አቻ መሆን የቻለው ወላይታ ድቻ÷ ብሩክ ማርቆስ በ83ኛው ደቂቃ በራስ ላይ ባስቆጠራት ግብ ተጋጣሚውን 2 ለ 1 አሸንፏል፡፡

12 ሠዓት ላይ በሐዋሳ ዩኒቨርሲቲ ስታዲየም በተካሄደ ጨዋታ ኢትዮጵያ መድን ሻሸመኔ ከተማን 2 ለ 0 አሸንፏል፡፡

ጎሎቹንም በ45ኛው ደቂቃ ምንተስኖት ከበደ (በራስ ላይ) እና አብዲሳ ጀማል በ93ኛው ደቂቃ አስቆጥረዋል፡፡