ኢትዮጵያ ንግድ ባንክ ወላይታ ድቻን በሰፊ የጎል ልዩነት አሸነፈ

አዲስ አበባ፣ ግንቦት 8፣ 2016 (ኤፍ ቢ ሲ) የኢትዮጵያ ፕሪሚየርሊግ መሪው ኢትዮጵያ ንግድ ባንክ ወላይታ ድቻን 5 ለ 0 በሆነ ሰፊ ውጤት አሸንፏል፡፡

ቀን 9 ሰዓት ላይ በተደረገው ጨዋታ ለኢትዮጵያ ንግድ ባንክ  ፍፁም ግርማይ (በራሱ ላይ)፣ ባሲሩ ኡመር፣ሳይመን ፒተር፣አፍሬም ታምራት እና ኪቲካ ጀማ ጎሎችን አስቆጥረዋል፡፡

ውጤቱን ተከትሎም ኢትዮጵያ ንግድ ባንክ ነጥቡን 53 በማድረስ ከተከታዩ መቻል ጋር ያለውን የነጥብ ልዩነት ሲያሰፋ ወላይታ ድቻ በነበረበት 12ኛ ደረጃ ላይ ተቀምጧል፡፡

25ኛ ሳምንት የሊጉ መርሃግብር ምሽት ቀጥሎ የሚካሄድ ሲሆን÷ ፋሲል ከነማ ከወልቂጤ ከተማ የሚያደርጉት ጨዋታ ተጠባቂ ነው፡፡