በኢትዮጵያ ፕሪሚየር ሊግ ኢትዮጵያ ንግድ ባንክ ድል ቀንቶታል

አዲስ አበባ፣ ሕዳር 30፣ 2016 (ኤፍ ቢ ሲ) በኢትዮጵያ ፕሪሚየር ሊግ ሰባተኛ ሳምንት ጨዋታ ኢትዮጵያ ንግድ ባንክ ድል ቀንቶታል፡፡

ዛሬ 9፡00 ሰአት ላይ በአዳማ ሳይንስና ቴክኖሎጂ ዩኒቨርሲቲ ስቴዲየም ኢትዮጵያ ንግድ ባንክ ሻሸመኔ ከተማን 2 ለ 1 በሆነ ውጤት አሸንፏል፡፡

የኢትዮጵያ ንግድ ባንክን የድል ጎሎች ባሲሩ ኡመር እና ሲሞን ፒተር በ60ኛ እና በ83ኛ ደቂቃ ላይ ሲያስቆጥሩ አለን ካይዋ ደግሞ የሻሸመኔ ከተማን ብቸኛ ጎል አስቆጥሯል፡፡

በተመሳሳይ ምሽት 12 ሰአት ላይ በተደረገ ጨዋታ ሲዳማ ቡና ከድሬዳዋ ከተማ ተገናኝተዋል።

ጨዋታው በድሬዳዋ ከተማ 2 ለ 0 አሸናፊነት ሲጠናቀቅ ቻርልስ ሙሴጌ የድል ጎሎቹን አስቆጥሯል።